வி. எம். சத்திரம் அல்லது வி.மு. சத்திரம் என்பது விசயராகவ முதலியார் சத்திரம் என்பதாகும். இது தமிழ்நாடு, திருநெல்வேலி மாவட்டத்தில் அமைந்துள்ள வேகமாக வளர்ந்துவரும் நகர்ப்பகுதியாகும். முன்பு கிராம ஊராட்சியாக இருந்த வி. எம். சத்திரம் 1994 சூன் 1 முதல் திருநெல்வேலி மாநகராட்சியின் ஒரு வார்டாக மேம்பாடடைந்தது. வேகமாக நகர்பகுதியாக மாறிவரும், வி. எம். சத்திரத்துடன் இணைந்த/அருகில் உள்ள நகர்களாக வ.வு.சி. நகர், ஸ்ரீனிவாசகம் நகர், ஆதித்தனார் நகர், டி. வி. எஸ் நகர் உள்ளன.